الدراسة التصديرية

اعرف هتبيع منتجك فين، قبل ما تصرف جنيه على التصدير

بنحدد لمصنعك أنسب الأسواق بأرقام حقيقية: مين بيستورد منتجك، بكام، مين منافسك هناك، وتدخل السوق إزاي. وفي الآخر بتستلم تقرير واضح وخطة تبدأ بيها.

اطلب دراستك كلمنا واتساب

شوف دراسات عملناها

أرقام من Trade Map و UN Comtrade
كل رقم مكتوب جنبه مصدره
جاهزة في 2 لـ 4 أسابيع

التصدير بالتخمين بيكلّف كتير

أغلب المصانع بتبدأ التصدير بإحساس أو نصيحة صاحب. والنتيجة غالباً واحدة من دول:

معرض في البلد الغلط

بتصرف على سفر وجناح في بلد طلبها على منتجك ضعيف أصلاً.

سعر مش محسوب

بتحط سعر من غير ما تعرف المستورد بيشتري من الصين أو تركيا بكام.

مستوردين من غير عنوان

بتدوّر على مشترين في كل حتة بدل ما تركّز على الأسواق اللي بتشتري فعلاً.

الدراسة بتجاوبك على 3 أسئلة

أبيع فين؟

بكام؟

ولمين؟

إيه اللي جوه الدراسة

6 أجزاء، كل جزء بيجاوب على سؤال بتسأله قبل ما تصدّر.

الأسواق الأنسب ليك

ترتيب الدول حسب حجم الطلب ونموه والجمارك وسهولة الدخول، مش حسب الإحساس.

حجم الاستيراد

كل دولة بتستورد من منتجك بكام في السنة، والطلب بيزيد ولا بيقل في آخر 5 سنين.

المنافسين

مين بيورّد للسوق ده دلوقتي، وبأي سعر، ونقطة قوتك قدامهم فين.

الأسعار والجمارك

متوسط السعر في كل سوق، والجمارك اللي هتدفعها، والاتفاقيات اللي بتديك ميزة كمصنع مصري.

المستوردين المحتملين

قائمة أولية بشركات بتستورد منتجك في الأسواق المختارة، علشان تعرف تبدأ بمين.

خطة الدخول

تبدأ بأنهي سوق، وإيه المعارض والقنوات المناسبة، وأول خطوات تعملها.

دراسات حقيقية

افتح دراسة واقراها بنفسك

12 دراسة تصديرية عملناها لمصانع مصرية حقيقية. دوس على أي غلاف وقلّب فيها.

أرقامنا مش من عندنا

بنشتغل من نفس قواعد البيانات اللي بتستخدمها الحكومات وغرف التجارة. وكل رقم في الدراسة مكتوب جنبه مصدره، علشان تقدر تراجعه بنفسك.

Trade Map

مركز التجارة الدولية (ITC)

واردات وصادرات كل دولة بالمنتج والسنة.

UN Comtrade

الأمم المتحدة

بيانات التجارة الرسمية اللي الدول بتبلّغ عنها.

Market Access Map

مركز التجارة الدولية (ITC)

الجمارك والاتفاقيات التجارية لكل سوق.

مصادر السوق

تقارير ومواقع رسمية

اشتراطات الاستيراد ومعلومات المشترين والمعارض.

هتستلم إيه في الآخر

تقرير تفهمه وتاخد بيه قرار، مش ورق يتركن في درج.

التقرير الكامل

PDF مفصل، أو عرض شرائح، أو ملخص في صفحة، بالشكل اللي يناسبك.

عربي أو إنجليزي

بلغة فريقك، أو بالإنجليزي لو هتعرضه على شريك أو بنك.

ترتيب واضح للأسواق

أول سوق تبدأ بيه، والتاني، والأسواق اللي تأجّلها وليه.

خطة أول خطوات

تعمل إيه بعد الدراسة على طول: معرض، مستوردين، أو تجهيز ورق.

بنعمل الدراسة إزاي

من أول مكالمة لحد ما تستلم التقرير: من أسبوعين لـ 4 أسابيع حسب المنتج وعدد الأسواق.

نفهم منتجك وهدفك
مكالمة نعرف فيها منتجك وطاقتك الإنتاجية والأسواق اللي في دماغك، ونحدد كود المنتج (HS).
نجمع أرقام السوق
نسحب بيانات الاستيراد من Trade Map و UN Comtrade لآخر 5 سنين.
نحلل المنافسة
نشوف مين بيورّد لكل سوق وبأي سعر، ومكانك إنت فين.
نحسب الأسعار والجمارك
متوسط الأسعار والجمارك وشروط الدخول لكل سوق.
نحدد المستوردين
نجهز قائمة أولية بالشركات اللي بتستورد منتجك.
نسلّمك التقرير
تقرير واضح بترتيب الأسواق وخطة أول خطوات.

محتاجين منك 4 حاجات بس

المنتج ومواصفاته
طاقتك الإنتاجية
سعرك التقريبي
الأسواق اللي في دماغك، لو فيه

وبعد الدراسة؟

الدراسة بتقولك تروح فين. ولو عايز حد يمشي معاك الطريق، "نظام نمو للتصدير" بيحوّل الدراسة دي لحملات وتواصل مع مستوردين حقيقيين.

اعرف أكتر عن نظام نمو للتصدير

إيه الفرق بين الدراسة دي وأي تقرير أرقام؟

التقرير العادي بيديك أرقام وخلاص. الدراسة بتقولك الأرقام دي معناها إيه لمصنعك: تبدأ بأنهي سوق، وتسعّر إزاي، وتكلم مين.

بتاخد وقت قد إيه؟

من أسبوعين لـ 4 أسابيع، حسب عدد المنتجات والأسواق.

الدراسة بكام؟

السعر بيختلف حسب عدد المنتجات والأسواق اللي هندرسها. ابعتلنا منتجك على واتساب ونقولك السعر بالظبط.

اسم مصنعي هيظهر في أي حتة؟

لأ. دراستك ليك إنت بس. والدراسات المعروضة على الصفحة دي اتشال منها اسم المصنع.

الأرقام دي جاية منين؟

من Trade Map و UN Comtrade و Market Access Map ومصادر رسمية تانية. وكل رقم في الدراسة مكتوب جنبه مصدره.

مصنعي لسه ما صدّرش قبل كده، ينفع؟

ده بالظبط الوقت المناسب. الدراسة بتوفّر عليك تجارب مكلفة في أسواق مش مناسبة.

الدراسة لبلد واحدة ولا أكتر؟

بنحدد مع بعض: بلد واحدة، أو مقارنة بين كذا سوق، أو إقليم كامل زي الخليج أو شرق أفريقيا.

هل بتساعدونا في التنفيذ بعد الدراسة؟

أيوه، من خلال "نظام نمو للتصدير" اللي بيحوّل الدراسة لحملات وتواصل مع مستوردين.