SEO وإعلانات جوجل
المستورد بيدوّر على منتجك في جوجل. خلّيه يلاقيك إنت
بنكتب صفحات منتجاتك ومقالات بلغة المستورد علشان تظهر في البحث، وبنعمل إعلانات جوجل موجّهة للمستوردين بصفحة مخصوصة لكل منتج. وكل طلب سعر بييجي، بتعرف جه منين.
صفحة إعلان · FOODICO (من شغلنا)- بلغة السوق: إنجليزي وألماني وفرنساوي وغيرهم
- إعلانات للمستورد، مش للمستهلك
- تقرير شهري بطلبات السعر
موقع حلو، بس محدش بيلاقيه
موقع بلغة واحدة
المستورد الألماني بيدوّر بالألماني. لو موقعك بالعربي أو بالإنجليزي بس، مش هيظهرله.
إعلانات بتجيب مستهلكين
إعلان على كلمة زي "فراولة" بيجيب ناس عايزة كيلو، مش مستورد عايز كونتينر.
مش عارف الطلب جه منين
بتصرف على إعلانات، ومش عارف أنهي إعلان جاب طلب سعر وأنهي ضيّع فلوس.
بنشتغل إزاي
الإعلانات بتبدأ تجيب زيارات أول ما تشتغل. والـ SEO بيبان أثره على شهور، مش أسابيع.
- 01
ندوّر على كلمات المستورد
الكلمات اللي المشتري بيكتبها فعلاً بلغته، زي "IQF strawberries supplier"، مش الكلمات اللي بيكتبها المستهلك.
- 02
نظبط الموقع
سرعة، وصفحة لكل منتج بلغة السوق، وربط الموقع بـ Google Search Console علشان جوجل يقراه صح.
- 03
نكتب مقالات تجاوب المستورد
مواصفات، وشحن، وشهادات. الأسئلة اللي المستورد بيدوّر عليها قبل ما يختار مورّد.
- 04
نطلق إعلانات جوجل
إعلانات على كلمات المشتري في السوق اللي اخترته، بصفحة إعلان لكل منتج فيها طلب السعر، ومن غير كلمات المستهلك.
- 05
نتابع طلبات السعر
بنقيس كل طلب سعر ورسالة واتساب جت منين، ونحوّل الميزانية للي بيجيب نتيجة.
من شغلنا
مقالات وصفحات إعلانات بنيناها جوه مواقع 6 مصانع مصرية
كل موقع فيه 3 مقالات و3 صفحات إعلانات بكل لغة من لغاته. زي دليل مواصفات الفراولة المجمدة لفوديكو، ودليل وزن الفوط للغنام، وإزاي تقرا ورقة مواصفات البلاط لسيراميكا بلاتينو.
EU checks on Egyptian strawberries in 2026: what importers should ask for
IQF Strawberries Supplier from Egypt
هتستلم إيه
ظهور تقدر تقيسه، مش وعود بالصفحة الأولى.
بحث الكلمات
قايمة بالكلمات اللي هنستهدفها في كل سوق وبكل لغة.
صفحات منتجات بلغة السوق
صفحة لكل منتج مكتوبة للمستورد بلغته، مش مترجمة حرفياً.
مقالات SEO
مقالات بتجاوب أسئلة المستورد عن منتجك، وكل مقال بيوديه لطلب السعر.
حملات إعلانات جوجل
إعداد الحملة، وكتابة الإعلانات بلغة السوق، وإدارتها كل شهر.
صفحات للإعلانات
صفحة مخصوصة لكل إعلان، فيها المنتج ومواصفاته وطلب السعر.
تقرير شهري
الزيارات، والكلمات اللي بتظهر عليها، وعدد طلبات السعر، وتكلفة كل طلب من الإعلانات.
هتاخد قد إيه
شغل شهري مستمر
التجهيز الأول بياخد من أسبوعين لـ 3 تقريباً. الإعلانات بتجيب زيارات من أول ما تشتغل، والـ SEO بيبان أثره على شهور.
محتاجين منك
- دخول على موقعك، أو نعملك موقع لو مش موجود
- المنتجات ومواصفاتها
- السوق واللغة اللي عايز تظهر فيهم
- ميزانية إعلانات شهرية تحددها إنت
وعدنا ليك
كل شهر هتعرف بالأرقام: موقعك ظهر على أنهي كلمات، وجاله كام زيارة، وكام طلب سعر، والإعلانات صرفت كام في كل طلب. مش هنوعدك بالصفحة الأولى في وقت محدد، لأن جوجل نفسها بتحذّر من أي حد بيضمن ده. لكن هتعرف كل جنيه راح فين.
أسئلة بتتسأل كتير
إيه الفرق بين SEO والإعلانات؟
الإعلانات بتظهّرك من أول يوم، طول ما بتدفع. الـ SEO بياخد وقت، بس الظهور اللي بيجيبه بيفضل من غير ما تدفع على كل زيارة. والأحسن الاتنين مع بعض.
هتطلّعوني الصفحة الأولى في جوجل؟
مانقدرش نضمنها، ومحدش يقدر. اللي بنعمله إننا نكتب المحتوى الصح بلغة المستورد ونظبط الموقع، ونوريك كل شهر بتظهر على إيه وفين.
ميزانية الإعلانات بكام؟
إنت اللي بتحددها، وهي منفصلة عن أتعابنا. بنقترح عليك ميزانية بداية حسب السوق والمنتج، وتزوّدها لما تشوف طلبات سعر.
الإعلان هيوصل للمستورد إزاي مش للمستهلك؟
بنختار كلمات المشتري زي supplier و wholesale و bulk، ونستبعد كلمات المستهلك، ونستهدف الدول اللي اخترناها بس.
محتاج موقع الأول؟
أيوه، موقع فيه صفحة لكل منتج وطلب سعر. لو مش عندك، خدمة "موقع المصنع" بتعملهولك بـ 3 لغات.
إيه الفرق بينها وبين التسويق الرقمي والسوشيال؟
SEO والإعلانات بيخلّوا المستورد يلاقيك لما يدوّر بنفسه. السوشيال بيخلّيه يشوف مصنع شغال ومنتظم لما يفتح صفحتك أو يلاقيك على LinkedIn.
لما المستورد يدوّر، يلاقي مصنعك
ابعتلنا منتجك والسوق، ونقولك المستورد بيدوّر بأنهي كلمات.