بيانات المستوردين
اعرف مين بيستورد منتجك بالاسم، قبل ما تبعت أول إيميل
بنجهّزلك قايمة بالمستوردين في السوق اللي اخترته: اسم الشركة، ومسؤول المشتريات وإيميله، وبيستوردوا إيه. ومعاها إيميل باسم المصنع والرسايل اللي هتكلمهم بيها، علشان تبدأ وإنت جاهز.
- من Kompass و Europages و LinkedIn وبيانات الشحنات
- كل صف مكتوب جنبه مصدره
- جاهزة في 1 لـ 2 أسبوع تقريباً
التدوير على المستوردين لوحدك بياكل وقتك
أسامي من غير إيميلات
بتلاقي اسم الشركة في معرض أو دليل، بس مش عارف تكلم مين جواها.
إيميل info@ محدش بيقراه
بتبعت عرضك على الإيميل العام للشركة، فبيضيع وسط رسايل كتير وماحدش بيرد.
رسايلك بتقع في السبام
إيميل على Gmail أو إيميل مش متظبط، فالرسالة بتروح السبام قبل ما المستورد يشوفها.
بنجهّزلك أدوات الوصول إزاي
من أول مكالمة لحد ما تستلم القايمة والإيميل والرسايل: من أسبوع لأسبوعين تقريباً.
- 01
نحدد بندوّر على مين
نتفق على المنتج وكود HS والسوق، ونوع المشتري: مستورد، موزع، سلسلة محلات، ولا مصنع بيستخدم منتجك.
- 02
نجمع الأسامي من مصادر حقيقية
بيانات الشحنات زي Trade Atlas و Panjiva في الدول اللي بتنشرها، وأدلة زي Kompass و Europages، و LinkedIn Sales Navigator، وقوايم العارضين في معارض القطاع.
- 03
نوصل لمسؤول المشتريات
مش بنكتفي بإيميل الشركة العام. بندوّر على اسم الشخص اللي بيقرر الشرا وإيميله، ونتأكد إن الإيميل شغال.
- 04
نجهّز إيميل المصنع
إيميل باسم المصنع على دومين موقعك، متظبط علشان مايقعش في السبام، ومتوصل بأداة الحملات.
- 05
نكتب الرسايل
رسالة أول تواصل ورسايل المتابعة بعدها، بلغة المشتري، ومكتوبة على منتجك إنت مش كلام عام.
هتستلم إيه
ده شكل القايمة اللي هتستلمها
عينة من أعمدة الشيت. الأسامي الحقيقية بتبقى لمصنعك إنت بس، ومابنشرهاش.
| الشركة | البلد | بتستورد إيه | مسؤول المشتريات | الإيميل | المصدر |
|---|---|---|---|---|---|
| DE | IQF strawberries · 0811.10 | مدير المشتريات | p•••••@••••••.de | بيانات شحنات | |
| NL | Frozen vegetables · 0710 | مدير المشتريات | p•••••@••••••.nl | قايمة معرض | |
| SA | Cotton towels · 6302.60 | مدير المشتريات | p•••••@••••••.sa | لينكدإن | |
| FR | Porcelain tiles · 6907.21 | مدير المشتريات | p•••••@••••••.fr | Kompass | |
| AE | Table olives · 2005.70 | مدير المشتريات | p•••••@••••••.ae | Europages | |
| US | IQF strawberries · 0811.10 | مدير المشتريات | p•••••@••••••.us | بيانات شحنات |
كل إيميل متشيّك قبل ما يتسلّم
إيميل باسم مصنعك متظبط عشان مايروحش سبام
رسايل أول تواصل جاهزة بلغة السوق
هتستلم إيه في الآخر
أدوات تبدأ بيها التواصل من بكره، مش ملف أسامي وخلاص.
قايمة المستوردين
شيت Excel أو Google Sheets: الشركة، والدولة، والموقع، وبيستوردوا إيه، ومصدر كل صف.
مسؤول المشتريات
اسم الشخص ووظيفته وإيميله، ولينك LinkedIn بتاعه لما يكون موجود.
حجم الاستيراد لما يكون متاح
في الدول اللي بتنشر بيانات الجمارك زي أمريكا والهند وتركيا وأمريكا اللاتينية. وفي أوروبا ومعظم الخليج بنكتب إنه مش متاح بدل ما نخمّن.
ترتيب حسب الأولوية
مين تكلمه الأول، على حسب قربه من منتجك وحجم شغله.
إيميل المصنع جاهز
إيميل باسم مصنعك متظبط ومتوصل بأداة الحملات، وجاهز للإرسال.
رسايل جاهزة بلغة السوق
رسالة أول تواصل ورسايل متابعة، بالإنجليزي أو بلغة المستورد.
هتاخد قد إيه
1 لـ 2 أسبوع
حسب عدد الأسواق والمنتجات. والإيميل الجديد بيبدأ بإرسال قليل ويزيد بالتدريج، علشان مايتقفلش ولا يروح السبام.
محتاجين منك
- المنتج، وكود HS لو تعرفه
- السوق اللي عايز تبدأ بيه
- نوع المشتري اللي بتدوّر عليه
- دخول على دومين موقعك علشان نعمل الإيميل
- الكتالوج أو البروفايل لو موجود
وعدنا ليك
هتستلم القايمة والإيميل والرسايل في 1 لـ 2 أسبوع تقريباً. كل اسم في القايمة مكتوب جنبه مصدره، وكل إيميل اتراجع قبل ما يتسلم. ولو معلومة مش متاحة، زي حجم الاستيراد في أوروبا، هنقولك بصراحة بدل ما نحط رقم من عندنا.
أسئلة بتتسأل كتير
القايمة فيها كام مستورد؟
حسب المنتج والسوق. منتج زي الفراولة المجمدة ليه مستوردين كتير في أوروبا، ومنتج متخصص ليه عدد أقل. وإحنا بنفضّل قايمة أصغر مظبوطة على قايمة كبيرة نصها غلط.
هتجيبوا حجم استيراد كل شركة؟
لما يكون متاح بس. أمريكا والهند وتركيا ودول أمريكا اللاتينية بتنشر بيانات الشحنات بأسامي الشركات. أوروبا ومعظم الخليج لأ. وبنكتبلك في الشيت فين متاح وفين لأ.
البيانات دي جاية منين؟
من بيانات الشحنات زي Trade Atlas و Panjiva، وأدلة الشركات زي Kompass و Europages، ومن LinkedIn Sales Navigator، وقوايم العارضين في معارض القطاع. وكل صف مكتوب جنبه مصدره.
ينفع أبعت لمستوردين في أوروبا من غير مشاكل؟
أيوه، بحرص. أوروبا فيها قانون لحماية البيانات اسمه GDPR. علشان كده بناخد بس إيميلات الشغل المنشورة، والرسالة بتبقى عن شغلهم، وكل إيميل فيه طريقة سهلة يقول بيها المستورد مش عايز رسايل تاني.
ليه إيميل جديد باسم المصنع؟ ما عندي Gmail.
إيميل Gmail أو الإيميل المش متظبط بيقع في السبام بسهولة، والمستورد بيثق أكتر في إيميل باسم مصنع وموقع. بنظبطه، ونبدأ بيه بإرسال قليل ونزوّد بالتدريج.
وبعد ما أستلم القايمة؟
تقدر تشتغل عليها بفريقك. ولو عايزنا إحنا نكلم المستوردين ونتابع الردود، ده شغل خدمة "الوصول للمستوردين".
الخطوة الجاية في الرحلة
المرحلة 4 من 5 · نوصل للمستورد
الوصول للمستوردين
حملات إيميل ومتابعة بلغة السوق لحد أول رد وأول عرض سعر.
قبلها: موقع المصنع
اعرف مين بيشتري منتجك بالاسم
ابعتلنا منتجك والسوق، ونقولك نقدر نوصل لمين وفي قد إيه.