الوصول للمستوردين

بنكلم المستوردين باسم مصنعك، ونتابع لحد عرض السعر

بنبعت إيميلات ورسايل متابعة بلغة المستورد، ونكلمه على LinkedIn، واللي يرد بنتابعه معاك لحد العينة وعرض السعر. وكل شهر بتشوف بالأرقام اتبعت كام ومين رد.

ابدأ حملتك كلمنا واتساب

استفسار جديد

العينة اتبعتت

عرض السعر

التقرير الشهري

رسايل بلغة المستورد
أول ردود غالباً في أول 60 يوم
تقرير شهري بالأرقام

المرحلة 4 من 5 · نوصل للمستورد

شوف الرحلة كاملة

المستورد مش هيرد من أول إيميل

إيميل واحد وخلاص

أغلب المصانع بتبعت مرة واحدة وتستنى. والمستورد مشغول، وكتير من الردود بتيجي بعد رسالة المتابعة، مش أول رسالة.

رسالة بلغة غلط

بالإنجليزي لمستورد ألماني أو فرنساوي، أو كلام عام عن "أجود الخامات" مايفرقش عن أي مصنع تاني.

الرد بييجي وماحدش يتابع

مستورد سأل عن سعر أو عينة، والرد اتأخر أسبوع، فراح لمورّد تاني.

بنشتغل إزاي كل شهر

شغل شهري مستمر. في الشهر الأول بنبدأ الإرسال، وبعدها بنتابع ونحسّن حسب الردود.

نراجع القايمة والرسايل

بنبدأ من قايمة المستوردين وإيميل المصنع. ولو مش جاهزين، بنجهّزهم الأول.

نبعت على مراحل

رسالة أول تواصل، وبعدها رسايل متابعة على أيام متباعدة، كل واحدة بزاوية: المنتج، الجودة، العينة.

نكلمهم على LinkedIn

طلب تواصل ورسالة قصيرة لمسؤول المشتريات، علشان يشوف اسم مصنعك في أكتر من مكان.

نرد معاك على كل استفسار

أول ما مستورد يرد، بنبلّغك ونجهّز الرد معاك: مواصفات، عينة، عرض سعر. إنت بتحدد السعر، وإحنا بنظبط الكلام والمتابعة.

نقيس ونحسّن

نشوف أنهي رسالة جابت ردود وأنهي سوق بيتفاعل، ونعدّل الشهر اللي بعده.

هتستلم إيه

ده شكل الحملة اللي هيستلمها المستورد

خطوات الإيميلات والمتابعة بالترتيب. الرسايل نفسها بتتكتب على منتجك وبلغة السوق.

يوم 1

أول إيميل

Egyptian IQF strawberries for your fruit-prep line

يوم 4

متابعة قصيرة

Quick follow-up: spec sheet attached

يوم 9

الكتالوج وعرض عينة

Catalog + free sample to your port?

يوم 12

رسالة لينكدإن

Connection note from your sales manager

رد

المستورد رد

Please send CFR Hamburg price for 20 t

هتستلم إيه كل شهر

شغل تشوفه، وأرقام تحاسبنا عليها.

حملات إيميل شغالة

إرسال منتظم من إيميل المصنع للمستوردين في السوق اللي اخترته.

متابعة بلغة المستورد

رسايل متابعة بالإنجليزي أو الألماني أو الفرنساوي أو الإسباني أو العربي، حسب السوق.

تواصل على LinkedIn

رسايل لمسؤولين المشتريات من حساب مسؤول المبيعات عندك.

متابعة كل رد

كل رد بيوصلك، ونجهّز معاك الرد عليه بسرعة، قبل ما المستورد يبرد.

العينات وعروض الأسعار

جدول بكل مستورد طلب عينة أو سعر، ووصل لحد فين.

تقرير شهري بالأرقام

اتبعت كام، ومين رد، ومين طلب عينة أو سعر، وإيه الخطوة الجاية.

هتاخد قد إيه

شغل شهري مستمر

أول ردود من مستوردين حقيقيين غالباً بتيجي في أول 60 يوم. وبننصح بـ 3 شهور على الأقل علشان تحكم على السوق بالأرقام.

محتاجين منك

قايمة المستوردين وإيميل المصنع، أو نجهّزهم الأول
الكتالوج وقائمة الأسعار
حد عندك يرد على الأسئلة الفنية والسعر
حساب LinkedIn لمسؤول المبيعات
إنك تقدر تبعت عينات

وعدنا ليك

كل شهر هتشوف بالأرقام: اتبعت كام إيميل، ومين رد، ومين طلب عينة أو سعر. وأول ردود من مستوردين حقيقيين غالباً بتيجي في أول 60 يوم. والصفقة في الآخر بتتوقف على سعرك وجودتك، لكن مفيش رد هيضيع من غير متابعة.

أسئلة بتتسأل كتير

إيه الفرق بينها وبين بيانات المستوردين؟

بيانات المستوردين هي التجهيز: القايمة والإيميل والرسايل. الوصول للمستوردين هو الشغل نفسه: نبعت ونتابع ونرد لحد عرض السعر، كل شهر.

الإيميلات هتتبعت باسم مين؟

باسم مصنعك، ومن إيميل على دومين موقعك. المستورد بيتكلم مع مصنعك، مش مع وكالة.

هتضمنولي صفقات؟

لأ، ومحدش يقدر يضمن ده بصراحة. اللي بنضمنه إن الشغل بيحصل وبتشوفه بالأرقام، وإن كل رد بيتابَع. والصفقة بتتوقف على سعرك وجودتك ومتابعة العينة.

مين بيحدد السعر في عرض السعر؟

إنت. إحنا بنجهّز العرض ونكتبه بلغة المستورد وبشروط الشحن اللي يفهمها زي FOB و CIF، لكن السعر والكميات قرارك.

الحملة لأنهي دول؟

للسوق اللي اخترناه في الدراسة أو في أول مقابلة. بنفضّل نبدأ بسوق أو اتنين ونركّز، بدل ما نبعت لكل الدنيا مرة واحدة.

الشغل ده بكام؟

بيتحسب شهري، حسب عدد الأسواق وحجم القايمة. ابعتلنا منتجك على واتساب ونقولك السعر بالظبط.

الخطوة الجاية في الرحلة