البروفايل والكتالوج
الملف اللي المستورد بيطلبه، جاهز تبعته في نفس اليوم
بنعملك بروفايل للشركة، وكتالوج للمنتجات، وقائمة أسعار وعرض سعر بشكل المصنع، بالإنجليزي والعربي. المستورد يلاقي فيهم اللي محتاجه علشان يسعّر ويطلب عينة.
بروفايل وكتالوج · FOODICO (من شغلنا)- بالإنجليزي والعربي
- PDF للإيميل ونسخة للمطبعة
- جاهز في 3 لـ 4 أسابيع
المستورد بيطلب البروفايل قبل أي مكالمة
مفيش حاجة تتبعت
المستورد يقولك ابعتلي البروفايل، فتبعتله صور على واتساب. وهو بيقارنك بموردين باعتين ملف كامل.
كتالوج من غير أرقام
صور حلوة، بس مفيش مواصفات ولا تعبئة ولا حد أدنى للطلب. المستورد مش هيعرف يسعّر منه.
عرض سعر كل مرة بشكل
كل عرض سعر في ملف وورد مختلف، وناقص فيه شروط الدفع والشحن.
بنشتغل إزاي
من أول مقابلة لحد ما تستلم الملفات جاهزة للإرسال.
- 01
نعرف المصنع
زيارة أو مكالمة نفهم فيها خطوط الإنتاج، والطاقة، والشهادات، والأسواق اللي بتبيع لها.
- 02
نكتب المحتوى
بالإنجليزي والعربي، بالكلام اللي المستورد بيدوّر عليه: بتعمل إيه، وبكمية قد إيه، وليه يشتري منك.
- 03
نجهّز بيانات كل منتج
المواصفات، والتعبئة، والحد الأدنى للطلب، والكمية في الكونتينر، وكود الـ HS.
- 04
نصمم ونراجع معاك
الصفحات بهوية المصنع، وبتراجعها انت. وفيه جولتين تعديل.
- 05
نسلّم الملفات
البروفايل والكتالوج بنسختين، وقائمة الأسعار وقالب عرض السعر جاهزين تملاهم.
من شغلنا
بروفايلات وكتالوجات عملناها لـ 6 مصانع مصرية
بالإنجليزي والعربي، لفوديكو والغنام وسيراميكا بلاتينو والفرسان وTriangle Wood وUpload For Export. افتح أي ملف وقلّب فيه صفحة صفحة.
FOODICO
خضار وفاكهة مجمدة
El Ghannam
فوط وبشاكير قطن
Ceramica Platino
سيراميك وبورسلين
Al-Fursan
صناعات غذائية ومنتجات زراعية
Triangle Wood
أرضيات وأعمال خشب
Upload For Export
زيتون ومخللات
هتستلم إيه
كل اللي فريق المبيعات محتاجه يرد بيه على أي مستورد.
بروفايل الشركة
مين انتوا، والمصنع وخطوط الإنتاج، والطاقة الإنتاجية، والجودة والشهادات، والأسواق اللي بتبيع لها.
كتالوج المنتجات
صفحة لكل منتج: صورة، ومواصفات، وتعبئة، وحد أدنى للطلب، والكمية في الكونتينر.
قائمة الأسعار
ملف لوحده تقدر تعدّله بنفسك، وتبعته بس للمستورد اللي طلبه.
قالب عرض السعر
عرض سعر بشكل المصنع، فيه السعر وشروط الشحن (FOB أو CIF) وطريقة الدفع ومدة العرض.
بالإنجليزي والعربي
النسختين بنفس الشكل. الإنجليزي لأغلب المستوردين، والعربي لعملاء الخليج ولفريقك.
PDF ونسخة للمطبعة
ملف خفيف يتبعت على الإيميل والواتساب، ونسخة عالية الجودة للمعارض، وملفات التصميم المفتوحة.
المدة، واللي محتاجينه منك
3 لـ 4 أسابيع
حسب عدد المنتجات في الكتالوج. ولو طلبت الهوية والبروفايل والموقع مع بعض، بنشتغل عليهم في نفس الوقت.
محتاجين منك
- قائمة المنتجات ومواصفاتها
- صور المنتجات والمصنع اللي عندك
- الشهادات، زي ISO أو حلال
- الطاقة الإنتاجية وطريقة التعبئة
- أسعارك وشروط الدفع، علشان عرض السعر
وعدنا ليك
بروفايل وكتالوج وعرض سعر فريق المبيعات يقدر يبعتهم لأي مستورد يوم ما نسلّمهم. وكل معلومة فيهم جاية من مصنعك، مش كلام عام ينفع لأي حد.
أسئلة بتتسأل كتير
محتاج صور للمنتجات؟
لو عندك صور كويسة بنشتغل بيها. ولو مش كفاية بنقولك من الأول، ونتفق على التصوير في عرض السعر.
الأسعار هتبان لأي حد يفتح الكتالوج؟
لأ. الكتالوج من غير أسعار علشان تبعته لأي حد، وقائمة الأسعار ملف لوحده بتبعته انت للمستورد اللي عايزه.
ينفع لغة تالتة غير الإنجليزي والعربي؟
أيوه. لو سوقك بيتكلم فرنساوي أو ألماني مثلاً، نقدر نعمل نسخة بلغته.
لو المنتجات أو الأسعار اتغيرت؟
قائمة الأسعار وعرض السعر بتعدّلهم بنفسك. ولو عايز تضيف منتجات للكتالوج بعدين، بنضيفها.
إيه الفرق بين ده والهوية؟
الهوية هي اللوجو والألوان والعبوة. البروفايل والكتالوج هما الملفات اللي بتتبعت للمستورد. لو عندك هوية بنشتغل عليها، ولو مش عندك نعملهم مع بعض.
بكام؟
حسب عدد المنتجات واللغات. ابعتلنا قائمة منتجاتك على واتساب ونقولك السعر بالظبط.
الخطوة الجاية في الرحلة
المرحلة 2 من 5 · نجهّز شكل المصنع
موقع المصنع
موقع بـ 3 لغات فيه كل منتج وطريقة تصديره وطلب السعر.
قبلها: الهوية والتغليف
خلّي ردك على أول مستورد ملف كامل
ابعتلنا قائمة منتجاتك، ونقولك هتاخد قد إيه وبكام.