موقع المصنع
موقع يرد على المستورد قبل ما يسألك
موقع بـ 3 لغات، فيه صفحة لكل منتج: المواصفات، والتعبئة، والحد الأدنى للطلب، وبيتشحن إزاي. والمستورد يطلب عرض سعر من الموقع على طول.
- إنجليزي وعربي ولغة سوقك
- صفحة لكل منتج وطلب عرض سعر
- شغال على الموبايل والكمبيوتر
المستورد بيدخل على موقعك قبل ما يرد عليك
موقع من غير منتجات
صفحة عن الشركة وصور للمصنع، بس مفيش مواصفات ولا تعبئة. المستورد يقفله ويكلم مورد تاني.
لغة واحدة
الموقع عربي بس أو إنجليزي بس. والمشتري في ألمانيا أو فرنسا بيرتاح أكتر للي بيكلمه بلغته.
مفيش طريقة يطلب بيها
مفيش زرار لطلب السعر ولا فورم واضح. فالاستفسار يا إما ما يجيش، يا إما يجي ناقص.
بنعمل الموقع إزاي
من اختيار اللغات لحد ما الموقع يشتغل على دومين المصنع.
- 01
نختار اللغات والمنتجات
إنجليزي وعربي، ولغة تالتة حسب السوق اللي رايح له، زي الألماني أو الفرنساوي أو الإسباني.
- 02
نكتب المحتوى
صفحة لكل منتج بمواصفاته وتعبئته وطريقة شحنه، وصفحات عن المصنع والجودة، و3 مقالات.
- 03
نصمم ونراجع معاك
بهوية المصنع. بتشوف الموقع وتعدّل عليه قبل ما نكمّل باقي اللغات.
- 04
نجهّز طلب عرض السعر
فورم بيسأل المستورد عن المنتج والكمية والبلد، والطلب يوصلك على الإيميل.
- 05
نرفع الموقع
على دومين باسم المصنع، ونقيس سرعته على الموبايل قبل ما نسلّمه.
من شغلنا
مواقع عملناها لـ 6 مصانع مصرية
كل موقع بـ 3 لغات، لفوديكو والغنام وسيراميكا بلاتينو والفرسان وTriangle Wood وUpload For Export. شوف كل موقع في فيديو قصير من الشاشة.
FOODICO
خضار وفاكهة مجمدة
El Ghannam
فوط وبشاكير قطن
Ceramica Platino
سيراميك وبورسلين
Al-Fursan
صناعات غذائية ومنتجات زراعية
Triangle Wood
أرضيات وأعمال خشب
Upload For Export
زيتون ومخللات
هتستلم إيه
موقع المستورد يلاقي فيه إجابة سؤاله من غير ما يستنى ردك.
3 لغات
إنجليزي، وعربي، ولغة السوق اللي هتصدّر له.
صفحة لكل منتج
صور، ومواصفات، وتعبئة، وحد أدنى للطلب، والكمية في الكونتينر، وبيتشحن إزاي.
طلب عرض سعر
المستورد يكتب المنتج والكمية وبلده، والطلب يوصلك على الإيميل.
الكتالوج على الموقع
المستورد ينزّل الكتالوج PDF بلغته من الموقع على طول.
3 مقالات
بتجاوب على أسئلة المستورد عن منتجك، وبتفهّم جوجل الموقع بيبيع إيه.
مبني صح لجوجل والموبايل
كل لغة ليها صفحاتها اللي جوجل يقدر يقراها، والموقع خفيف على الموبايل والكمبيوتر.
المدة، واللي محتاجينه منك
4 لـ 6 أسابيع
حسب عدد المنتجات واللغات. ولو طلبت الهوية والبروفايل والموقع مع بعض، بنشتغل عليهم في نفس الوقت.
محتاجين منك
- قائمة المنتجات ومواصفاتها وتعبئتها
- صور المنتجات والمصنع
- الأسواق اللي عايز توصلها، علشان نختار اللغة التالتة
- اسم الدومين، لو عندك
- الإيميل اللي عايز طلبات الأسعار توصله
وعدنا ليك
موقع فريق المبيعات يقدر يبعته لأي مستورد يوم ما نسلّمه، وفيه كل منتج بمواصفاته وطريقة شحنه. مش هنوعدك بالصفحة الأولى في جوجل، لأن محدش يقدر يضمن ده. بس الموقع هيتبني بحيث جوجل يقراه صح بكل لغة.
أسئلة بتتسأل كتير
ليه 3 لغات؟
الإنجليزي لأغلب المستوردين، والعربي لعملاء الخليج، واللغة التالتة للسوق اللي بتستهدفه. المستورد بيرتاح للمورد اللي بيكلمه بلغته.
الموقع هيطلع أول واحد في جوجل؟
محدش يقدر يضمن ترتيب في جوجل، وأي حد بيضمنه خلي بالك منه. الموقع بيتبني صح من الأول علشان جوجل يقراه. والظهور في البحث شغل خدمة SEO وإعلانات جوجل.
الموقع لوحده هيجيبلي مستوردين؟
الموقع بيقنع المستورد اللي وصلك. علشان انت توصل للمستورد، محتاج الوصول للمستوردين أو SEO وإعلانات جوجل، والموقع هو اللي بيستقبلهم.
عندي موقع قديم، أعمل إيه؟
بنشوفه الأول. لو ينفع نبني عليه بنقولك، ولو الأوفر واحد جديد بنقولك برضه.
الدومين والاستضافة؟
الدومين بيتسجّل باسم المصنع ويفضل ملكك. والاستضافة والدعم بعد التسليم بنكتبهم بوضوح في عرض السعر.
الموقع بكام؟
حسب عدد المنتجات واللغات. ابعتلنا منتجاتك والسوق اللي رايح له على واتساب ونقولك السعر بالظبط.
خلّي المستورد يلاقي إجابته على موقعك
ابعتلنا منتجاتك والسوق اللي رايح له، ونقولك تبدأ منين.